congratulation on teacher day
have a Great future

ईलाज

पैली जद टाबरां नै
नींद कोनी आंमती ,
दादी या नानी
बानै कहानी सुनामती !
सोणे थकां दादी बच्चां नै
आज भी बुलावै है
कोई कहानी कवो टाबरो
मन्नै नींद कोनी आवै है,
टाबर तो सीरियल देखें
कहानियां कद जाणे
पण दादी गी बीमारी बै
चोखी तरयाँ पिछाने
मायतां सारुं फरज नै
बै अं तरियां निभावें
नींद गी गोली घोलगे
बै दादी ने पियांवें !

सोच लेइयो

मंदिर - मस्जिद आस्था है ,
आस्था रो कोई भवन नीं हुवै !
हिन्दू - मुस्लिम भाई -भाई हैं,
आस्तीन रे सांप सो कोई दुश्मन नीं हुवै !
जलती आग मैं घी गेरो तो , थोड़ो सोच लेइयो ,
हर बार ओ काम हवन नीं हुवै !